КОЦУР – У Коцуре, на Други дзень Велькей ноци, 9. априла у дзецинскей Служби Божей, виронаучни дзеци виведли интересантну драмску сличку на тему Велькей ноци.
Школяре през рецитациї и шпиванки приказали значносц каждого єдзеня цо ше за Паску кладзе до кошарки за пошвецанє и кажде през свою улогу приказал прецо праве тота намирнїца заслужела же би ше нашла у кошарки як пасхалне єдзенє.
Драмску сличку зоз школярами пририхтали вироучителька Ксения Бесерминї и шестра Михаїла Воротняк.
