Прияви за „Акустику Рутенику” ище ютре

автор ядю/зам фото дюв
1.3k Опатрене

НОВИ САД – Ище на ютре, 1. септембра, заинтересовани ше можу приявиц за участвованє на тогорочним Музичним вечаре „Акустика Рутеника”, хтори Руски културни центер у Новим Садзе орґанизує 29. септембра.

Орґанизаторе понукаю вибор шпиванкох у забавним и народним духу хтори можу буц обробени, а виводзаче их маю прилагодзиц ґу свойому смаку и представиц го публики. Акцент програми на креативносци музичарох у акустичних обробкох шпиванкох, цо подрозумюю виводзенє шпиванкох з провадзеньом акустичних инструментамох, як цо то акустична ґитара, буґни, кахун, гармоника, тамбура, смиково инструменти, дуйни инструменти…

По пропозицийох, кажди виводзач може вивесц єдну нумеру сам (шпивац и грац на инструменту/ох), провадзиц шпивача/шпивачох на инструменту як провадзаци вокал, лєбо у дуету, буц часц музичней ґрупи.

Приявиц ше можу шицки заинтересовани музичаре и шпиваче од 15 до 40 роки, на е-адресу: akustika.rutenika@gmail.com.

До прияви треба написац мено, презвиско, кратку биоґрафию, а потим орґанизаторе учашнїком пошлю список шпиванкох.

ПОВЯЗАНИ ТЕКСТИ