ДЮРДЬОВ – Тогорочни 15. Фестивал жридлового шпиваня „Най ше нє забудзе” будзе отримани на нєдзелю, 20. авґуста, у Дюрдьове.
По пропозицийох, на Фестивал ше можу приявиц жридлово ґрупи – женски, хлопски або мишани, шпиваче треба же би були поприберани до святочних народних шматох, жени у фитюли, дзивки у баршоню, а хлопи з калапом на глави. Наступ огранїчени на седем минути по ґрупи. Треба же би ше виведло два руски народни шпиванки, по можлївосци цо старши, або ридко виводзени. Єдну шпиванку треба вивесц у провадзеню оркестра, а другу а-капела. У виводзеню без музики досц одшпивац два строфи, а зоз оркестром по виборe.
Орґанизацийни одбор Фестивала з Културно-уметнїцкого дружтва „Тарас Шевченко” послал шицким нашим дружтвом поволанку за участвованє. Приявиц ше мож по 5. авґуст на matka.djurdjov@gmail.com, a вецей информациї мож достац при орґанизаторох, Михалови Лїкарови 064/291-4755, або Миколови Кухарови 064/838-6044.
Пред фестивалску часцу, хтора почнє на 20 годзин, у дворе опрез будинку КУД „Тарас Шевченко” на 16 годзин будзе отворена вистава „Стари ремесла”, а на 17 годзин у Рускей школи вистава „Дакеди було” чия тематика будзе повязана зоз дарунком котри од орґанизаторох достаню шицки учашнїки.