СЕРБИЯ – У основних школох у Сербиї, та и у наших школох у Руским Керестуре и Коцуре, нєшка и на ютре будзе орґанизовани пробни Закончуюци испит за осмакох.
Проба малей матури будзе орґанизована за 71 661 осмака у Сербиї. Тест зоз математики заказани за нєшка на 12 годзин, а тест зоз мацеринского язика за соботу на 9 годзин. Комбиновани тест зоз биолоґиї, хемиї, историї, ґеоґрафиї и физики осмаки буду ришовац на соботу од 11,30 годзин.
Мала матура будзе отримана 18, 19. и 20. юния.