Програми за потримовку привреди отворени по 19. май

автор ртв/мар
1k Опатрене

БЕОҐРАД – Розвойна аґенция Сербиї (РАС) по 19. май того року предлужела термин за подношенє приявох заинтересованих поднїмательох за програми потримовки привреди у рамикох кампанї „Креирай живот”. Цалосна вредносц програмох, розписаних початком марца, коло милиярду динари, а дотераз сцигли даскельо стотки прияви.

Найвекше интересованє за програму потримовки початнїком „Старт ап”, за хтору опредзелєни коло 120 милиони динари. Попри тей програми, по 19. май того року отворени и програми за унапредзенє иновацийох, промоцию вивозу, потримовку вивознїком, потримовку розвою конкурентносци, а други програми отворене покля єст средства.

Безповратни средства буду додзельовани през софинансованє проєктох у розличних катеґорийох – до 70 одсто за початнїкох, до 50 одсто за постояци фирми и до 60 одсто за орґанизациї и институциї.

Вецей о програмох потримовки у спомнутей кампанї мож найсц на веб-боку РАС www.ras.gov.rs/sr/kreiraj-zivot.

ПОВЯЗАНИ ТЕКСТИ