Протокол о сотруднїцтве пензионерох з Городом

автор сен
865 Опатрене

НОВИ САД – У Сербским народним театру у Новим Садзе вчера, 28. марца, отримани сход на хторим бешедоване о витворйованю Правилнїка о дружтвеним стандарду хасновательох пензийох Републичного фонду за пензийне и инвалидске осиґуранє (ПИО), а з тей нагоди подписани и Протокол о сотруднїцтве Городу Нови Сад и Здруженя пензионерох Нового Саду. 

– Сотруднїцтво витворюєме у даскельо обласцох и запровадзели зме значни инвестицийни роботи на будинку Здруженя у Поштанскей улїци, у шицких часцох городу ше отвера нови клуби пензионерох, водзиме балансовану политику на териториї шицких месних заєднїцох у Новим Садзе – гварел городоначалнїк Нового Саду Милош Вучевич и визначел же того року за будовательни роботи на Ґеронтолоґийним и притульним центре за стари особи у Футоґу Город планує уложиц 40 милиони динари.  

Бешедуюци о квалитету живота пензионерох у Новим Садзе, Вучевич гварел же Город обезпечує вигодносци як цо туньши карти у явним городским превозу, одходи до купельох и на морє, та роботу Канцелариї за старих. 

На сходзе бул и министер за роботу, обезпечованє роботи, борецки и социялни питаня Александар Вулин, котри гварел же того року перши раз уведзена мира з хтору ше з приходох Фонду за ПИО опредзелює и процент за дружтвени стандард пензионерох.

– Того року розполагаме зоз 394 милиони динари, та до купельох пойду 12 500 пензионере, цо за 1 000 вецей як влонї. Вєдно милион и 728 000 пензионере у Сербиї нє терха, алє то людзе котри створели нашу державу и котрим тераз можеме буц лєм подзековни. Обчекуєме же того року будзе звекшанє пензийох и плацох у явним секторе – гварел Вулин.

6-Horod-02

ПОВЯЗАНИ ТЕКСТИ