Проєкт Влади Сербиї и ЕУ – АНТАРЕС

автор ртв/зам
853 Опатрене

НОВИ САД – У Ректорату Универзитету у Новим Садзе штварток, 2. марца отримана Шветочна академия з нагоди початку проєкту АНТАРЕС, хтори заєднїцки финансую Покраїнска влада, Влада Сербиї и Европска уния (ЕУ), и хтори освоєл перше место на конкурсу Европскей комисиї (ЕК). Отвераюци Академию, предсидатель Покраїнскей влади Иґор Мирович поручел же слово о нєкаждодньовим успиху Институту БиоСенс.

– Перше место по оцени ЕК, у конкуренциї вецей як 200 найпрестижнєйших европских науково-виглєдовацких институцийох, потвердзенє же маме вершинских фаховцох и вершински образовни и науково институциї хтори можу и обдумац и порушац проєкти на найвисшим европским уровню – гварел Мирович.

Буджет проєкту 28 милиони еври, з чого 14 милиони безповратни средства з ЕУ, а 14 милиони обезпечую Покраїнска и Републична влада.

Попри тим же будзе находзиц практични ришеня за применьованє нових технолоґийох у польопривреди, АНТАРЕС отвори и коло 150 нови роботни места у науки, затрима и найлєпших младих фаховцох у жеми и прицагнє найлєпших виглєдовачох з иножемства.

ПОВЯЗАНИ ТЕКСТИ