ДЮРДЬОВ – Внєдзелю, 26. фебруара, дзень пред початок Вельконоцного посту, у парохийней сали церкви Рождества Пресвятей Богородици у Дюрдьове отримане друженє за виронаучни дзеци – „Пущанске брацкованє”, штварте по шоре.
Друженє и рижни бависка з тему велького християнского швета, за дзеци од першей по осму класу ОШ орґанизовали вироучитель Данил Задрепко и дюрдьовски капелан о. Михаил Холошняй.
Друженє почало у духу швета – нєдзелї пребаченя – з медзисобним пребачованьом о. Михаила Холошняя и присутних дзецох, а вироучитель и капелан о значеню того, алє и других поняцох, та о Велькей ноци, дзецом бешедовали векшином през бависко.
На концу друженя члени тамбурового оркестру КУД „Тарас Шевченко” Ириней Барна и Василиє Кочиш дзецом грали и шпивали руски народни шпиванки.
Орґанизованє друженя помогнул Церковни одбор дюрдьовскей церкви, хтори пририхтал закуску.