НОВИ САД – Розвойни фонд Войводини (РФВ) одобрел од початку рока 458 милиони динари кредити, а найвецей средства, 120 милиони динари, одобрени польопривреднїком за длугорочни кредити наменєни купованю польопривредней жеми.
– Польопривреднїки барз були заинтересовани и за кредитну линию хтора наменєна инвестицийом у польопривреди, та им на длугши час одобрени приблїжно 70 милиони. Кус менєй средства одобрени за набавку новей механїзациї, приблїжно 60 милиони, алє интересованє польопривреднїкох рошнє з обчекованьом новей Ипард поволанки – сообщел РФВ.
У Розвойним фонду гваря и же шицки хтори жадаю укладац до вибудови, адаптациї и опреманя туристичних обєктох, до капацитетох за змесценє и услугу, опреманя спортско-рекреативних и регабилитацийних обєктох, обновйованю традицийних валалских обисцох у функциї розвою туризма, треба же би ше у РФВ баржей розпитали о процедури и условийох тей конкурсней линиї.