ЖАБЕЛЬ – Општина Жабель и того року штредньошколцом котри ше школую у школох у Жаблю, Новим Садзе, Темерину, лєбо у Бечею, будзе надополньовац трошки путованя до школи. Зависно од того до хторей катеґориї припадаю, буду мац право на реґрес од 10, 20 и 100 одсто (од септембра того, по юний идуцого року).
Школяре котри до школи путую до Нового Саду, Темерину, лєбо Бечею маю право на реґрес од 10 одсто, а котри путую до Жаблю 100 одсто.
Реґрес од 20 одсто можу витвориц школяре котри треце, або штварте дзецко у фамелиї, реґрес од 100 одсто школяре самохраного родителя котри нє ма приходи, як и школяре котри ходза до Специялней штреднєй школи „Милан Петрович” у Новим Садзе.
Прияву за витворйованє права на реґрес за драгово трошки ше виполнює у Услужним центре Општини Жабель, дзе мож достац и потребни информациї, як и на число телефона 021/210-22-91. Прияву треба придац по 25. у мешацу.
Плановане же Општина Жабель по штредок септембра розпише конкурс и за реґресованє превозу студентох, а будзе надополньовани лєм превоз до Нового Саду. Студентску автобуску мешачну карту мож хасновац од октобра, та прияви за реґресованє превозу треба придац по 25. септембер.