РУСКИ КЕРЕСТУР – Здруженє спортских рибарох „Коляк” з Руского Керестура предлужело зоз стараньом о животним жтредку, та всоботу, 25. марца, його члени посадзели ище 250 древка.
Древка посадзени коло беґелю, дзе пред тим того року викерчели тот простор, а викерчени черяки подаровали за топенє, як гуманитарну помоц.
На терашнєй роботней акциї участвовало красне число членох Здруженя, а як гварел його предсидатель Михайло Пашо, акцию финансийно и на други способи потримали Месна заєднїца Руски Керестур, ЯКП „Руском”, Олена Папуґа, подприємства за продукцию меблю „Тина” и „Комфорт”, Месара „Байо”, на чим им Здруженє подзековне.
Прешлого року Здруженє спортских рибарох „Коляк” посадзело 400 древка коло базену у Керестуре, а у прешлорочних акцийох участвовали и школяре, цо барз важне за розвиванє еколоґийней свидомосци при терашнїх младих, а будуцих людзох котри ше буду старац о посадзеним, визначел Пашо.