РУСКИ КЕРЕСТУР – У рамикох Дзецинского тижня у керестурских образованих установох ше кажди дзень отримує рижни активносци и змисти, у зависносци од возростох дзецох.
У дзецинскей заградки „Цицибан” ПУ „Бамби” перши днї були пошвецени правом дзецох у цалим швеце, друженю медзи ґрупами през ґлумецки креациї, а вчера були креативни роботнї.
У Основней и штреднєй школи зоз домом школярох „Петро Кузмяк” були тиж медзиґенерацийски друженя и бавеня школярох. Вчера бул и квиз „Забавна математика”, а школяре зоз Дому вчера нащивели Музейну збирку у будинку Замок.
