КОЦУР – Вчера, 1. новембра, у римокатолїцкей церкви Шицких святих преславени Кирбай. З тей нагоди римокатолїцка церква була нащивена, а пред церкву могло купиц лакотки.
Службу Божу служели о. Кароль Сабади и парох коцурскей грекокатолїцкей церкви о. Владислав Рац. Служба служена на мадярским и горватским язику.
Нєшка у каплїчки на мадярским теметове будзе служена Служба Божа за шицких покойних, а потим паноцец будзе пошвецац гроби.
