КОЦУР – Вчера у просторийох коцурского манастиру Здруженє младих „КУМ” орґанизовало роботню з рисованя.
Роботня орґанизована з нагоди фотомоноґрафиї „Сто роки шестрох служебнїцох у Коцуре”, чия промоция будзе 18. марца у Месней заєднїци.
На роботнї, хтору водзела Александра Самочета, були седмеро школяре, тема була назва спомнутей фотомоноґрафиї, а нарисовани роботи буду виложени на єй промоциї.
Окрем тей роботнї, Здруженє кажди викенд планує орґанизовац и роботнї з вишиваня, штриканю, гекланя, русийского язика и ґлуми, а шицки заитересовани вецей информациї о участвованю на роботньох можу достац на число телефона 062/108 12 47.