Розписани Конкурс за нови руски дзецински шпиванки

автор маф
960 Опатрене

РУСКИ КЕРЕСТУР – Дом култури Руски Керестур розписал Конкурс за нови руски дзецински шпиванки, а на основи Одлуки Орґанизацийного одбору тогорочного  Фестивалу рускей култури „Червена ружа”. Конкурс отворени по 10. април 2018. року.

Нови руски дзецински шпиванки буду виведзени на 50. „Червеним пупчецу” хторе будзе отримане того року у рамикох Фестивалу „Червена ружа”.

На конкурс мож послац авторски, по тераз нєвиводзени шпиванки за дзеци з текстом на руским язику, а право участвовац маю авторе зоз жеми и иножемства.

Орґанизатор обезпечи пенєжни награди за перши три завжати места и награду за найлєпши текст, цо вибере фахови жири по виводзеню на самим Фестивалу.

Роботи нотално записани лєбо на ношачу звука и окреме видруковани текст треба послац на адресу Дом култури (з назначеньом: за Конкурс), 25233 Руски Керестур.

ПОВЯЗАНИ ТЕКСТИ