СЕРБИЯ – Министер за державну управу и локалну самоуправу Бранко Ружич розписал вчера, 17. авґуста, виберанки за национални совити националних меншинох за 4. новембер, преноши сайт Радио телевизиї Войводини.
Члени за нови зволаня националних совитох того року вибераю 22 меншински заєднїци, з чого 18 национални меншини сполнєли условиє за нєпоштредни виберанки, а штири за виберанки на електoрскей скупштини – македонска, горватска, чарногорска и русийска.
Термин за придаванє лїстини за нєпоштредни виберанки 15 днї скорей їх отримованя, односно 30 днї скорей отримованя виберанкох на електорскей скупштини. Ружич гварел же скоро 475 тисячи особи уписани до Окремного виберацкого списку и поволал гражданох же би вихасновали право и же би ше уписали до ньго.
У Сербиї скоро 13 одсто од вкупного числа жительох творя национални меншини. Порядни виберанки за членох националних совитох отримую ше кажди штварти рок.