Розпорядок преслави Националного швета Руснацох по наших местох

автор ядю
1.2k Опатрене

НАШО МЕСТА – Централна шветочносц означованя Националного швета Руснацох у Републики Сербиї будзе означена 19. януара у Суботици, а у наиходзацим тижню з пригоднима програмами и по Подручних канцеларийох Националного совиту Руснацох, як и по других наших местох.

Означованє Националного швета почнє на пондзелок у Вербаше, 15. януара, у КПД „Карпати” на 18 годзин, истого дня и у Коцуре з пригодну програму у КУД „Жатва”, на 19,30 годзин, док ше Швето у Новим Орахове означи на вовторок, 16. януара, у Руским доме, на 19 годзин.

На стреду, 17. януара, пригодни програми буду отримани у векшини местох починаюци од Дюрдьова, дзе програма у КУД „Тарас Шевченко” почнє на 12 годзин, у Ґосподїнцох у Месней заєднїци на 15 годзин, у Бикичу у Доме култури на 17 годзин, у Сримскей Митровици у Ґалериї „Возаревич” на 17,30 годзин, у Руским Керестуре у Доме култури, на 18 годзин, у Шидзе у КУД „Дюра Киш”, на 19 годзин и у Новим Садзе у Руским културним центру, на 19,30 годзин.

На штварток, 18. януара, подобна програма будзе у Кули, у Руским КУД „Др Гавриїл Костельник” на 17 годзин, а на пияток, 19. януара, у Беоґрадзе, у церкви св. Кирила и Методия, на 17 годзин.

ПОВЯЗАНИ ТЕКСТИ