КОЦУР – Тих дньох у Коцуре почало розчисцованє Главней депониї за шмеце при крижу, а розчисцую ю екипи Роботней єдинки „Чистота” ЯКП „Комуналєц” з Вербасу.
З рижним одпадом затрепана нє лєм депония, алє и драга по шмециско, розчисцованє будзе у двох фазох, а плановане же роботи буду тирвац три днї.
У першей фази ше розчисцує приходну драгу, длугоку коло 200 метери и шмеце з нєй идзе на площу Главней депониї, а потим площа будзе нивелована, так же буду виполнєти дзири и нїзши терен, та одпад знова годно вивожиц на Главну депонию.
ЯКП „Комуналєц” шмециско розчисцує по Ришеню Општинскей управи Вербас.