РУСКИ КЕРЕСТУР – Рукометаше рускокерестурского „Русину” всоботу, 13. мая госцовали у Приґревици, дзе бавели процив першопласованей екипи у Трецей рукометней лиґи Сербиї-Бачка „ПИК Приґревица” и у тим 15. колє страцели зоз 44:27.
Ґоли за „Русин” на тим змаганю посцигли Слива 9, Гербут 5, Бойанович и Тома по 3 Любоя и Реґойевич по 2, а по єден ґол дали Мудри, Шукара и Салак.
Уж на ютре, 17. мая, „Русин” бави одложене змаганє 12. кола у Бездану процив „Ґрафичару”, а идуци викенд, у 16. колє, на своїм терену дочекує „Борец” з Бачкого Ґрачцу.
У своєй Ґрупи А у Лиґи младших катеґорийох М-14 всоботу, 13. мая ше змагал и „Русинов” подросток, а змаганя були у Руским Керестуре.
„Русин” победзел „Зомбор” зоз 20:16 и суботицки „Спартак Войпут” зоз 19:14, а з тима змаганями закончена сезона у тей лиґи.