ДИРОНЬ – Женска екипа Рукометного клубу „Диронь”, хтору водзи тренер з Руского Керестура Славко Надь, посцигла найвекши успих у своєй историї, понеже ше пласовала до Першей лиґи, як другопласована екипа на таблїчки.
Млади рукометашки „Дироню” у остатнїм колє, у одлучуюцим змаганю, пияток, 26. мая, на домашнїм терену з „Мокрином” одбавели нєришено 30:30, а лєм бод им бул достаточни за друге место на таблїчки и пласман до висшого ранґу.
У наступней сезони ше буду змагац у Першей лиґи Сербиї „Сивер”.