РУСКИ КЕРЕСТУР – ФК „Русин” у позарядовим 22. колє першенства Подручней лиґи Зомбор – Бачка Паланка стреду, 18. априла на своїм терену бавел процив екипи ФК „ЖАК” зоз Зомбора, а резултат бул нєришени 2:2 (1:1).
Ґоли за „Русин” посцигли Александар Чизмар и Матей Саянкович.
„Русин” ше и далєй находзи на 14. предостатнїм месце на таблїчки, та му у тим змаганю була потребна побида же би зменшал бодовну розлику, алє гоч и пришол нови тренер Ранко Делич, „Русиново” бависко остало слабе.
У шлїдуюцим колє, на нєдзелю, 22. априла „Русин” госцує у Параґох дзе бави з екипу „Будучносци”.