РУСКИ КЕРЕСТУР – У 18. колє Подручней лиґи Зомбор, внєдзелю 25. марца Фодбалски клуб (ФК) „Русин” на домашнїм терену бавел нєришено з екипу ФК „Будучносц” з Младенова, а резултат бул 2:2 (0:1).
Госци були лєпши у першим, а „Русин” у другим полчаше. Ґоли за домашню екипу посцигли Чизмар у 52. и Дюканович у 89. минути.
„Русин” бавел у составе Живко, Малацко, А. Кочиш, Й. Гарди, Грнчяр, Орос, Саянкович, Будински, Дюканович, Чизмар, Катона. У другим полчаше Малацку, Будинския и Саянковича заменєли Янїч, С. Кочиш и Д. Гарди.
„Русин” ше и надалєй находзи на 12. месце на таблїчки, а на нєдзюлю, 1. априла, госцує у Ґайдобри процив екипи „Герцеґовцу”.