РУСКИ КЕРЕСТУР/ПИНЬВИЦ – У дванастим колє Подручней фодбалскей лиґи Зомбор рускокерестурски „Русин” внєдзелю, 29. октобра, на госцованю у Пиньвиц одбавел нєришено, 0:0 зоз ФК „Славия”.
Пре нєдостаток бавячох, хтори нє могли бавиц пре покалїченя лєбо други причини, внєдзелю за „Русин” бавел и їх тренер Златко Саянкович.
„Русин” тераз на дзевятим месце на таблїчки, зоз 15 бодами.
У шлїдуюцим колє, на нєдзелю, „Русин” будзе бавиц на домашнїм терену процив ФК „Стари ґрад” з Бачкей Паланки. Змаганє почнє на 13 годзин на Ярашу.