„Руске” подаровало кнїжки керестурским установом

автор маф
931 Опатрене

РУСКИ КЕРЕСТУР – До рускокерестурских образовних установох – Школи, Дзецинскей заградки и Народней библиотеки – представителє НВУ„Руске слово” подаровали кнїжки у рамикох акциї дарованя кнїжкох.

Директорка НВУ „Руске слово” Мартица Тамаш уручела по 68 наслови и вкупно по 143 кнїжки Школи „Петро Кузмяк” хтори прияла директорка Хелена Пашо Павлович, и керестурскому Оддзелєню Народней библиотеки Кула дзе их прияла библиотекарка Мария Дорошки, а ище скорей Дому култури.

Кнїжки подаровани и ерестурскому оддзелєню Дзецинскей заградки „Цицибан” ПУ „Бамби” з Кули, дзе виховательком придати 8 наслови, а 12 дзецински кнїжки хторе видало НВУ „Руске слово”.

Акция дарованя кнїжкох витворює ше по одлуки Управного одбору Установи, по хторей кнїжки достаню 20 руски школи, предшколски установи, културно-уметнїцки дружтва и валалски библиотеки у местох дзе жию Руснаци.

Потераз кнїжки подаровани установом у Дюрдьове, Коцуре, Шиду, Вербаше и Керестуре, а буду однєшени и до других местох дзе жиє менше число Руснацох.

22.12.2017.- Ruske slovo daruje knjizki 002_resize

ПОВЯЗАНИ ТЕКСТИ