КОЦУР – Всоботу, 24.марца, Коцур нащивели проф. др Ана Плотникова зоз Инситуту за славистику Русийскей академиї наукох и Биляна Сикимич, наукови совитнїк Балканолоґийного институту САНУ котри виучую обичаї балканских етнїчних заєднїцох, а у Коцуре упознали Руснацох и їх обичаї.
Госци обишли Руски дом у котрим их привитал координатор Подручней канцелариї Националного совиту Руснацох Микола Ґубаш, котри им бешедовал о традицийней рускей свадзби, смутней свадзби и празновирйох при Руснацох. Предсидатель КУД „Жатва” Микола Шанта госцох упознал зоз историю Руснацох у Коцуре и на яки способ през тоти роки зачували свойо обичаї, традицию и културу.
Окрем Руского дома, госци обишли руски теметови и Етно клуб „Одняте од забуца” у котрим их привитала Аранка Медєши, предсидателька Клуба и указала им руске облєчиво и други руски експонати.