ШИД/ҐОРНЇ МИЛАНОВАЦ – На 46. Соборе народней творчосци Сербиї у просторийох Културного центру у Ґорнїм Милановцу, 16. септембра, наступела и Младша шпивацка ґрупа Културно-просвитного дружтва „Дюра Киш” зоз Шиду.
Члени Младшей шпивацкей ґрупи, у чиїм составе були Андєла Дораш, Милица Миклош, Николина Горняк, Далибор Болдиш и Наташа Еделински Миколка, наступели зоз двома рускима шпиванками – „Кед сом ишол попод облак” и „Накошени марадики”.
Собор народней творчосци Сербиї зазберує и през програму чува од забуца обичаї, народне облєчиво, музичну творчосц и други традицийни вредносци народох котри жию на подучи цалей Сербиї.
