Свиднїчанє понукаю и помоц коло роботи у Словацкей

автор але
1.1k Опатрене

ВЕРБАС – Всоботу, 4. марца, делеґация зоз Свиднїку, зоз Словацкей, на чолє з городоначалнїком Яном Голодняком, нащивела братску Општину Вербас и КПД „Карпати“. Домашнї госцом були предсидатель Дочасового орґану Општини Милан Ґлушац, члени Дочасового орґану народна посланїца Марияна Мараш и Ґоран Пейович и предсидатель КПД „Карпати“ др Деян Загорянски.

Госци зоз Словацкей представительох локалней самоуправи и КПД „Карпати“ службено поволали на тогорочни медзинародни Русински фестивал у Свиднїку, а на  стретнуцу бешедоване и о орґанизованю заєднїцких подобових колонийох, госцованю наших спортских клубох у Словацкей, алє и о преширйованю сотруднїцтва на институциї и орґани локалних самоуправох.

3-Svidnjik-02

Городоначалнїк Голодняк з тей нагоди понукнул и помоц вязано за одход роботнїкох зоз Сербиї на дочасову роботу до Словацкей, понеже ше вони там часто стретаю з процедуралнима и другима проблемами.

– Велї вашо гражданє приходза до Словацкей на дочасову роботу и часто маю проблеми прето же их мадярски, лєбо други странски аґенциї поспреведаю и там робя на чарно, у нєвигодних условийох. Ми маме идею же бизме у Свиднїку направели центер за помоц и потримовку шицким гражданом зоз Сербиї котри глєдаю роботу у Словацкей – гварел Ян Голодняк.

3-Svidnjik-03

ПОВЯЗАНИ ТЕКСТИ