Сербия напредовала у меншинских правох

автор мар
889 Опатрене

 

БЕОҐРАД – Сербия и єй институциї єднак третирує шицких гражданох, без огляду чи су часц векшини, чи меншини, лєбо чи су з родзеньом, по ориєнтациї, лєбо власней одлуки припаднїки даєдней меншинскей ґрупи, виявела премиєрка Ана Брнабич на вчерайшей Медзинародней конференциї о злодїйстве з мержнї и бешеди мержнї.

Брнабичова гварела же ше, як представитель держави, може похвалїц же Сербия ма антидискриминацийни закони, а же звити релевантних медзинародних целох и орґанизацийох потвердзую унапредзованє обласци меншинских и людских правох у Сербиї.

– Обласц людских и меншинских правох тема без конца. Уровень тих право, хтори обовязуюци, нє заключени анї у найушоренших демократских и найтолерантнєйших державох, понеже модерни час наклада вше нови задатки – гварела прмиєрка.

Надпомла же у Сербиї нєшка жию 26 етнїчни, лєбо национални меншини, же 55 000 дзеци слухаю образованє на 15 розличних язикох, а аж у шейсцох локалних самоуправох у службеним хаснованю єст по шейсц язики.

Постої и 21 национални совит националних меншинох, їх финансує буджет Републики, цо указує же Влада роби на їх змоцньованю и интеґрациї до ширшого штредку.

Єден з приоритетох Влади и Минстерства правди то и нулта толеранция спрам бешеди мержнї и злодїйству з мержнї, виявела на спомнутей конференциї министерка правди Нела Кубурович и додала же оправдане значенє хторе ше дава запровадзованю Акцийного плану за Поглавє 23 у прегваркох о приступаню ґу ЕУ.

 

 

ПОВЯЗАНИ ТЕКСТИ