БЕОҐРАД – Сербия водзаца держава у реґионє у поглядзе видвойованя значних средствох за обще добро, як з дїловного сектору, так и од гражданох, та так 2016. року за рижни гуманитарни и други намени назберани вєдно вецей як 21 милион еври, пише Танюґ.
Найвецей донирал дїловни сектор – 45,5 одсто спомнутей суми, а 25,2 одсто назберане од гражданох. Донациї були найчастейше за єднократну помоц, алє поросло и число донацийох за инициятиви з длугорочнима ефектами, нєпрофитним орґанизацийом, а интересантне же ше прешлого року вецей пенєжу добродзечно давало за образовни активносци и стипендиї.
Помоц доставаю углавним особи котри маю здравствени проблеми, економски загрожени гражданє, а вше частейше ше помага самохраним родичом, дзецом без родительского стараня, мацером и новонародзеним бебом и старшим гражданом.
И попри значней суми, анализи указали же донациї у 2016. року за 4,9 одсто менши як у 2015. року.