НОВИ САД – Вовторок, 23. мая, Скупштина Автономней Покраїни Войводини (АПВ) отримала дванасту схадзку у актуалним составе на хторей, на предкладанє Покраїнскей влади, принєшени вецей покраїнски скупштински одлуки о окремних програмох з обласци здравства, пре унапредзенє здравственей защити и очуванє здравя жительства на териториї АПВ.
Принєшени Програма з обласци явного здравства за 2017. рок, Програма превентивней здравственей защити ловарох, ловочуварох и лєсарох, Програма за вчасне одкриванє и лїченє компликацийох цукровей хороти на очох, Програма неонаталного скрининґу на цистичну фиброзу, Програма унапредзованя дияґностики и лїченя щитного шлїжнїка, Програми унапредзеня лїченя стерилитету допомогнуто з биомедицинским оплодзеньом и предимплатацийну ґенетичну дияґностику, як и Програма очуваня плодносци при охорених од малиґних хоротох у АП Войводини за 2017. рок.
Скупштина АПВ розпатрела и прилапела звити о прешлорочней роботи фондох чий снователь АПВ – Звит о роботи Фонду за потримовку инвестицийом у Войводини (ВИП), Звит о роботи Фонду „Европски роботи” АП Войводини и Звит о роботи Педаґоґийного заводу Войводини.