КОЦУР – У грекокатолїцкей церкви у Коцуре нєшка, на Желєни штварток, Вечурня зоз Службу Божу Василия Велького будзе на 19 годзин, а на ютре, на Вельки пияток, на 7 годзин будзе Утриня з читаньом 12 страсних євангелийох. Вечурня – хованє Исуса Христа и покладанє плащанїци на Вельки пияток будзе на 15 годзин, и вирни до соботи вечара годни поциловац плащанїцу и помодлїц ше при Христовим гробе.
На Вельки пияток на 19 годзин будзе Дзевятнїца до Божого милосердия, а на 20 годзин Єрусалимска утриня (Плач Мацери Божей).
На Вельку соботу (на дзень цихей молитви) на 21 годзин будзе Вельконоцне всеночне, односно Вечурня зоз Службу Василия Велького и обходом коло церкви.
На нєдзелю, на Вельку ноц, на 8 годзин будзе Дзецинска Служба Божа, а на 10 годзин Шветочна Вельконоцна Служба з пошвецаньом паскох у церковней порти. На 16 годзин будзе Воскресна вечурня.
Як Рутенпрес дознава од коцурского пароха о. Владислава Раца, владика Георгий Джуджар у Коцура будзе на Треци дзень Велькей ноци.