РУСКИ КЕРЕСТУР – Прешлей соботи, 28. априла, успишну акцию пораєня керестурского теметова орґанизовал Церковни одбор тей парохиї, а виляте и вецей як 20 метери бетонскей дражки.
У акциї участвовали коло 30 парохиянє и одборци, а розчисцовало ше терен у часци теметова поза каплїцу, дзе вилята и дражка. Першираз то поробене на сучасни способ зоз готовим бетоном хтори уляти зоз автоматску мишачку – миксером.
Як за Рутенпрес виявел одборец Михайло Рац, на дражку потрошене 60 кубики бетону цо коштало 63 000 динари, а з добродзечну роботу тиж и розкерчована тота часц теметова, дзе ше пририхта нови гробни места.
