ЖАБЕЛЬ – Прешлого тижня, 24. авґуста, у шветочней сали Општини Жабель предсидатель Општини Чедомир Божич и членїца Општинскей ради задлужена за културу Нерима Шовлянски додзелєли контракти о финансованю и софинасованю проєктох з обласци култури и уметносци у жабельскей општини. Того року по конкурсу розподзелєни 720 000 динари осем здруженьом и орґанизацийом.
КУД „Тарас Шевченко” з Дюрдьова достало 100 000 динари, Дружтво за руски язик и литературу з Нового Саду 80 000 динари, Хор „Пасторала” зоз Жаблю 60 000 динари, Аматерски театер „Браша зоз Жаблю 80 000 динари, ДОНК „Дєрдан” з Ґосподїнцох 100 000 динари, КУД „Прело” з Чуроґу 100 000 динари, КУД „Роґаль” зоз Жаблю 100 000 динари, кельо и КУД „Бранислав Нушич” з Дюрдьова.