Стадион дакедишнього „Гайдука” ше будзе волац „Милан Среданович”

автор зам фото ншм
1.1k Опатрене

КУЛА – Фодбалски стадион у Кули, дакедишнього ФК „Гайдук”, убудуце ше будзе волац „Милан Среданович”, а преглашенє нового мена будзе на пияток, 19. мая на пригодней шветочносци, хтора почне на 16,30 годзин.

Попри богатей фодбалскей и тренерскей кариєри, Милан Среданович бул и успишни директор Фодбалскей школи „Гайдука”, бул и директор стадиону у вибудови и дзекуюци йому Кула теди достала репрезентативни фодбалски терен, на хторим ФК „Гайдук” вецей як два децениї бавел у першей лиґи.

После одкриваня Спомин-плочи з новим меном, на 17,45 г. будзе ревиялне фодбалске змаганє медзи першу ґенерацию „Гайдука” хтору тренирал Среданович и ФК „Гайдук Юниор”.

У рамикох програми, хтору орґанизує Општина Кула, будзе отримана и подобова колония, на хторей участвую маляре з Кули, Вербасу и Зомбора.

ПОВЯЗАНИ ТЕКСТИ