РУСКИ КЕРЕСТУР – Медзинародни волонтерски камп у Руским Керестуре и того року будзе орґанизовац Туристичне здруженє (ТЗ) Руски Керестур, а прейґ орґанизациї „Млади виглєдоваче Сербиї” – дознава Рутенпрес од предсидательки ТЗ Любици Няради.
Камп будзе мац роботни и едукативни характер, з акцентом на упознаваню з руску заєднїцу, а тих дньох будзе одредзени и час отримованя Кампу.
Предсидателька ТЗ з тей нагоди поволала Керестурцох на акцию дарованя старих бициґлох, хтори би потим були оспособени за хаснованє за волонтерох у Кампу, алє и на розполаганю ТЗ за можлївих туристох под час нащивох валалу.
Заинтересовани жителє хтори Туристичному здруженю жадаю подаровац стари (и погубени) бициґли, най ше явя Нярадийовей на тел. 064/048-039-4.