НОВИ САД – Покраїнски секретарият за привреду и туризем розписал явну поволанку за додзельованє субвенцийох за самообезпечованє роботи на териториї АП Войводини у 2017. року, а термин за подношенє вимоги по 28. май.
Вимогу з бизнис-планом у трох прикладнїкох ше подноши компетентней орґанизацийней єдинки Националней служби за обезпечованє роботи, спрам места биваня, односно пребуваня, особнє, лєбо по пошти на предписаним формулару, хтори мож достац у каждей орґанизацийней єдинки Националней служби, лєбо превжац зоз сайтох www.spriv.vojvodina.gov.rs и www.nsz.gov.rs.
Шицки дополнююци информациї мож достац у каждей орґанизацийней єдинки Националней служби и у Покраїнским секретарияту за привреду и туризем, на числа тел.: 021/487-4145, 487-4312 и 487-4313.
У буджету АП Войводини за субвенциї за самообезпечованє роботи нєзанятих опредзелєни вєдно 50 милиони 500 000 динари, обезпечени у рамикох програми „Активна политика обезпечованя роботи у АП Войводини”.
Субвенциї ше додзелює нєзанятим особом котри приявени у евиденциї Националней служби за обезпечованє роботи на териториї АП Войводини, а єдна особа може достац од 182 000 до 456 000 динари.