ВЕРБАС – Водоцек Велького бачкого беґелю котри прецека през Вербас єден з найвекших еколоґийних проблемох у Европи, а пошлїдок є вецейдеценийного випущованя нєпречисцених индустрийних и комуналних одрутних водох.
Условиє же би ше конєчно започало з чисценьом беґелю то законченє централного пречисцовача одрутних водох до котрого за прешли шейсц роки Европска уния уложела вецей як 16 милиони евра, цо єден з найвекших инфраструктурних проєктох у Сербиї
Хвильково тирваю закончуюци роботи на централним пошореню за преробок одрутних водох у Вербаше.
Паралелно зоз роботами тирва и обука роботнїкох вербаского водоводу. Локална самоуправа и Покраїнска влада обезпечели средства за нєобходну ґазификацию и будованє драги ґу пречисцовачу.
Плановане же би по штредок идуцого року централне пошоренє за преробок одрутних водох було закончене, а у нїм ше буду пречисцовац одрутни води з општинох Вербас, Кула и Червинка.