ОДЖАК – У оджацким Спортским центре, од 4. по 12. авґуст тирва дзевята Рукометна школа на хторей участвую 70-ецеро дзеци од 7 по 18 роки зоз местох оджацкей и кулскей општини, а медзи нїма и дзевецеро з Руского Керестура.
Школа уж ма красну традицию, и прицагує вельо учашнїкох, а орґанизує ю Спортски союз Оджак хтори приводзи и госцох зоз швета рукомету з покраїнского и републичного уровню. Тренерски тим у Школи предводзи познати фаховец Милорад Лаич з Червинки, а у тиму и тренер Славко Надь з Керестура.
Циль Рукометней школи популаризовац тот спорт и прешириц рукометни знаня дзецох и младих хтори уключени до клубох у своїх местох.
