НОВИ САД – Вчера, 1. септембра, у подгороду Петроварадинскей твердинї почал Фестивал улїчних музичарох.
Програма почала на Площи шлєбоди у центре Нового Саду, одкаль до Подгороду Петроварадинскей твердинї рушел музични караван, на чолє з плех-составом Brass Band Flaach зоз Швайцарскей.
У програми участвую виводзаче зоз Сербиї, реґиону, Европи, а попри музичних програмох, буду орґанизовани филмски и видео-проєкциї, перформанси, амбиєнтални представи, уметнїцки инсталациї и друге.
Того року ше вецей фестивали здружели и порушали ткв. „Городчик фест” („Градић фест”), у чиїх рамикох ше отримує Фестивал улїчних музичарох, Cinema City, Pop Up (Berberaj & Public P), Scenatoria, Suburbium, Fruškać, Happy Trash Production, Ugrip i AAaaa фестивал.
Фестивалски програми ше отримує на вецей локацийох у „Городчику”, а то Беоґрадска улїца, Лисинского, Площа владики Николая, Штросмайорова улїца, Барутана „Йосиф” з околїском за Беоґрадску капуру.
Тогорочни, 17. Фестивал улїчних музичарох будзе закончени на нєдзелю, 3. септембра.