Тирва жатва ярцу

автор мар
949 Опатрене

РУСКИ КЕРЕСТУР – Перши одкоси ярцу у рускокерестурским хотаре спадли прешлого тижня, 13. юния, цо тидзень скорей оптималного термину. През викенд була павза у косидби пре нєвигодну хвилю, а вчера комбайни знова тлачели, та мож обчековац же ярец будзе скошени до конца того тижня.

Ярци подозревали скорей пре сушну яр и период пред саму косидбу. Вельки уплїв мала и моцна и длуга жима, прецо житарки були очкодовани и преридзени, цо тиж допринєсло пошвидшаному дозреваню.

Гоч продукцийни условия були нєвигодни, штреднї урожай ярцу у керестурским хотаре цалком задоволююци, векшином є коло 30 метери по гольту, а ридко хто ма менєй як 25 метери, цо вироятно резултат майских дижджох.

Проблем барз мала цена, бо одкуйоваче понукаю 14 динари за килограм, а правдаю ю з нєвигодну ситуацию на шветовим тарґовищу, дзе вше векше понуканє житаркох, а парасти ше наздаваю векшей конєчней цени.

ПОВЯЗАНИ ТЕКСТИ