РУСКИ КЕРЕСТУР – На соботу и нєдзелю, 5. и 6. авґуста, на Ярашу, стадионє Фодбалского клубу „Русин”, будзе отримани Турнир у вельким фодбалу у рамикох Спортских бавискох „Яша Баков”.
Турнир медзинародного характеру, з оглядом же участвує и ФК „Свиднїк” з Републики Словацкей, а буду ше змагац и ФК „Искра” з Коцура, ФК „Бачка” з Дюрдьова и домашнї рускокерестурски ФК „Русин”.
На соботу буду одбавени два змаганя, перше на 16, а друге на 18 годзин (пари одредзи жреб). На нєдзелю на 16 годзин будзе бавене змаганє за треце место, а на 18 годзин финалне змаганє котре одлучи побиднїцку и другопласовану екипу.