ШИД – У орґанизациї Реґионалного одбору Рускей матки за Срим того викенду, 7. и 8. октобра, у Шидзе будзе отримани Други Медзинародни мултижанрови фестивал руского филму „Русин Филм Фест”.
Фестивал того року пошвецени означованю 70-рочнїци Акциї „Висла” у Польскей, та плановане же буду приказани вецей филми хтори обрабяю тоту тематику.
„Русин Филм Фест” на соботу, 7. октобра, почнє на 15 годзин у сали Културно-образовного центру у Шидзе, госци з иножемства буду змесцени у Лєтнєй владическей резиденциї у Шидзе, а на нєдзелю за учашнїкох и госцох будзе и Служба Божа у нашей церкви Преображеня господнього.
Отримованє Другого Медзинародного мултижанрового фестивалу руского филму „Русин Филм Фест” финансийно потримую Општина Шид и Покраїнски секретарият за културу и информованє.