ЛЬВОВ (УКРАЇНА) – Шветови конґрес СФУЛО, шести по шоре, 25. и 26. авґуста будзе отримани у Львове у України.
На конґресу буду присутни делеґациї лемковских/русинских орґанизацийох з України, Словацкей, Польскей, Горватскей, Зєдинєних Америцких Державох и Канади. З тей нагоди будзе вибране нове предсидательство, Надпатраюца рада и нови предсидатель. Делеґатох конґресу приме городоначалнїк Львова 25. авґуста, а 26. авґуста будзе отримана Прес-конференция.
Источашнє, 26. и 27. авґуста, у валалє Зимна Вода , при Львове, будзе отворени III Фестивал лемковскей култури „Гомин Лемкивщини”, а 27–29. авґуста Днї українскей дияспори.
На тих манифестацийох будзе присутна и делеґация Союзу Руснацох Українцох Сербиї.