КОЦУР – Вчера, 30. октобра, у Доме култури у Коцуре, на схадзки Орґанизацийного одбору Етно-клубу „Одняте од забуца“ порадзене о шицких поєдиносцох преслави котра будзе отримана у Етно-клубу и у Доме култури.
На схадзки конципована програма и учашнїки котри наступя на означованю 10-рочнїци Етно клубу „Одняте од забуца“, дзе будзе вистава роботох зоз подобовей колониї, реферат о снованю Етно клуба и обход просторийох.
Преслава будзе 11. новембра, почнє на 17,30 годзин з дочеком госцох у просторийох Клубу, а централна програма почнє на 18,30 годзин у Доме култури у котрей нащивителє увидза програму коцурских културно-уметнїцких дружтвох.