ВЕРБАС – На дзешец виберацких местох у општини Вербас, дзе єст вкупно 1 957 виберачох, вкупно гласали 895 особи, цо 45,73 одсто, а найвецей гласи достала лїстина 4. „Руска будучносц”. Тота лїстина достала 262 гласи, односно 29,27 одсто.
„Лїстина шлєбодних кандидатох” достала 208 гласи, односно 23,24 %, лїстина „Руснаци вєдно” достала 199 гласи, цо 22,23 одсто, док за лїстину „Буц и остац РУСНАК – ОЛЕНА ПАПУҐА” гласали 120 особи, односно 13,41 одсто.
Лїстина „Млади маю першенство” достала 43 гласи, односно 4,80 одсто, лїстина „И ми Рускинї/Руснаци” достала 40 гласи, односно 4,47 %, а за лїстину „За Руснацох – Желько Ковач” гласали 18 особи, односно 2,01 одсто.