У Вербаше означени Дзень державносци Чарней Гори

автор апм
772 Опатрене

ВЕРБАС – Пияток у Вербаше означени 13. юлий, Дзень державносци Чарней Гори, хтори почал з покладаньом венцох на памятнїк народному герою Сави Ковачевичови, хторе традицийно вєдно орґанизую Општина Вербас, Општински одбор СУБНОР-у и Польопривредне добро „Сава Ковачевич”.

Конєц дня означел вельки концерт поп гвизди Серґея Четковича, хтори орґанизовал Национални совит чарногорскей националней меншини у Сербиї.

Пред концертом отримана святочна академия у хторей участвовал хор Културного центру Вербас „Бачки шпиваче”, фолклорни ансамбл з Бачкого Доброго Поля, ґуслар Мирослав Дракич и поетеса Наташа Караджич. Уметнїцки руководитель академиї була Весна Дринчич Дїлас.

Иншак, держава Чарна Гора 13. юлий, Дзень державносци, означує як здогадованє на 13. юлий 1878. року кед є на Берлинским конґресу припозната як самостойна держава, и на 13. юлий 1941. року кед почало народне повстанє процив фашизму. 

ПОВЯЗАНИ ТЕКСТИ