РУСКИ КЕРЕСТУР – Зоз Службу Божу и Молебеном до Богородици вчера вечар у Водици означене нєзаповедане швето Царици Богородици, и так закончени и Водицов тидзень – остатнї тидзень у маю Марийовим мешацу, кед ше у Водици кажди дзень служа Служби.
Вечаршу Службу служели керестурски капеланє о. Владимир Медєши и о. Михайло Шанта, а парох о. Михайло Малацко споведал. Служба Божа була у лєтнєй каплїци понеже було коло 200 вирних, а през цали тидзень служена є у самей водицовей церкви.
Паломнїцки дзень як нєзаповедане швето Царици Богородици запровадзени штредком прешлого вику и велї роки бул заєднїцки дзень у Водици за вирних зоз шицких наших парохийох кед ше подзелєли зоз розличнима календарами.