РУСКИ КЕРЕСТУР – У Доме школярох Штреднєй школи „Петро Кузмяк” у Руским Керестуре штварток, 19. октобра отримани Вечар поезиї, на хторим ше школяром представели поетеси Саня Тиркайло и Петра Бошняк зоз Шиду.
Поетеси школяром читали свойо стихи, з музичним провадзеньом на ґитарох Бояни Мушоня зоз Шиду и керестурского ґимназиялца Себастияна Надя, а потим присутним подзелєли и даскельо прикладнїки своїх кнїжкох.
Попри школярох з интернату, на програми пристуствовали и ґимназиялци з руских оддзелєньох, велї професоре и други заинтересовани, та компютерска сала Школи була полна.
Поетски вечар, як порядну воспитну активносц Дому школярох, орґанизовали профсорка руского язика Люпка Малацко и педаґоґиня и воспитач Любица Няради.