ДЮРДЬОВ/ҐОСПОДЇНЦИ – Вчера, 23. октобра у Дюрдьове на Дзень ошлєбодзеня валалу, з минуту цихосци опрез памятнїка борцом НОВ у Другей шветовей войни у парку у центре здогаднуте на днї кед нашо войско ошлєбодзело валал.
О тедишнїх подїйох и їх жертвованю бешедовал предсидатель СУБНОР Злоколица, а тройо школяре дюрдьовскей основней школи пречитали виривки з историї о тей подїї. Окрем рецитаторкох котри пречитали рободолюбиви писнї на сербским, Мария Горняк, школярка седмей класи руского оддзелєня на руским язику, пречитала писню „Ту, такой при шерцу” Гавриїла Костельника. На памятнїк венци положели представителє СУБНОР, локалней власци и представителє Месней заєднїци Дюрдьов.
Тиж вчера, на єденац годзин предполадньом, по традициї означене и ошлєбодзенє Ґосподїнцох. И у тим валалє положени венци на памятнїк у центре валалу котри ше, як и других двох местох, находзи опрез основней школи. О ошлєбодзеню бешедовал Борис Страживук, предсидатель Совита Месней заєднїци Ґосподїнци.
