НОВИ САД – У просторийох Заводу за културу войводянских Руснацох (ВР) од нєшка, 8. авґуста, будзе отворена вистава акварелох Андреи Палатинус.
Тоту виставу уж могло видзиц на Централней преслави Националного швета Руснацох у Сербиї котра у януару отримана у Суботици, як и на Фестивалу рускей култури „Червена ружа“, у Руским Керестуре.
Орґанизатор вистави, Завод за културу ВР, планує и фахове водзенє през виставу и подобову роботню за родичох и дзеци на тему повязованя природи и уметносци, алє ше о поєдиносцох познєйше обвисци явносц, док ше утвердзи конєчни термин у авґусту лєбо септембру.
Вистава акварелох Андреи Палатинус будзе отворена до 27. авґуста.